اصدقاء للابد
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

اجدد واحدث النكت 2010؟؟؟؟؟؟؟؟؟؟؟؟؟؟؟؟؟

اذهب الى الأسفل

رائع اجدد واحدث النكت 2010؟؟؟؟؟؟؟؟؟؟؟؟؟؟؟؟؟

مُساهمة  MESSI في الجمعة مايو 14, 2010 3:03 pm

مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم،
قال له: بندجية ايه ياهريدي دي وطنك دي امك،
فراح للعسكري التاني قال له: ايه دي؟، قال له: دي ام هريدي يا فندم.
----------------------------------------------
مرة واحد بلدياتنا وقع فى حفرة نزلولوا حبل طلع مخنوق .
----------------------------------------------
مرة واحد بتاع سمك ابنه مات فماشى فى الجنازة يقول: كان صاحى وبيلعب .
----------------------------------------------
محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!
----------------------------------------------
مره واحد احول سجل في الجيش...... حطوه في قسم القصف العشوائي
----------------------------------------------
مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت
---------------------------------------------
مرة واحد راح السودان بالليل ملاقاش حد .
---------------------------------------------
سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه
---------------------------------------------
صومالى ركبه عفريت العفريت مات من الجوع
---------------------------------------------
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.
--------------------------------------------
واحد سكران فتح التلاجه وبص للجلي ...وجده بيرتعش :قالوه متخفش هاخد عصير
-------------------------------------------
مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين).
واحد صعيدي كسب 60 مليون دولار إشترى رونالدو


أيام الرسائل عن طريق الحمام الزاجل: واحد بعت طير لصديق له ولما وصل الطير بص الصديق على رجل الطير ما لقاش ورقة او رسالة فلما شاف صديقه يلي بعت له الطير من غير رسالة سالوا ايه قصة الطير يلي مافيش برجله رسالة بعتوا ليه ؟ قام قال له اصلي بعتلك مس كول خخخخ


وحده بتقول لجوزها: تعالى ودينى المستشفى .. ماما هناك وعندها حالة تسمم ... راح جوزها رادد عليها : لازم عضت لسانها بالغلط هههههههه


مرة 5 دخلوا كلية الهندسة اثنين طلعوا مهندسين وثلاثة مدينة نصر


واحدة بتقول لجوزها بعد ما نجح فى الانتخابات هاتلى هدية غسالة بقى عشان انت مش حتبقى فاضى خخخخخ


ليه الصعيدي الصغير أذكى من الصعيدي الكبير .؟ لأنة مابقالوش كتير صعيدي


ايه هو المكتوب على قاع زجاجة المياه الغازيه في الصعيد؟؟؟؟ مكتوب : الفتح من الناحية الأخرى


واحد بلدياتنا عمل 2 إيميل، واحد دوت كوم للشتاء وواحد نص كوم للصيف هههه


واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها،، دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت لووووووول


بلدياتنا مبيعرفشى يعوم وقع فى البحر مات محروق


واحد بلديتنا كبر دماغه معرفش يخرجها من التيشرت


مرة واحد بلديات نام بالمقلوب صحى رجلو معمصة


مرة واحد صعيدى أتجوز وحدة عندها الأيدز ، جبلها البلهارسيا ههههههههه


مرة واحد احول جه يعيط ، رجّع


عربية كحيانة صاحبها سابها قدام بيت مهجور...ليه؟؟ عاوزها تبقى عربية شبح خخخخخخخ


ثلاثة مساطيل قاعدين في سهرة
الأول : أنا عندي فلوس أشتري فيها أمريكا الشمالية
الثاني : وأنا عندي فلوس أشتري فيها أمريكا الشمالية و الجنوبية
الثالث : و مين قالكم إني رح أبيع


مره واحد عداه العيب اخد الي بعده


واحد سباك سايب رسالة على التليفون يقول اترك اسمك وعنوانك بعد سماع صوت السيفون خخخخ


واحد بلدياتنا بنى جامع لقى الناس بتجيه كتير قـلـبه مـطـعـم


مره واحد بيقول لصحبه انامراتي زى الملاك قاله يا بختك انا مراتي لسه عايشه هههههه


مرة واحد دكتور احول فى مستشفى.. اجاله مريض احول.. قال الدكتور الاحول: "متخشوش علي بالاثنين!".. قالو المريض الاحول:" انا مش جاي ليك جاي للدكتور اللي جنبك خخخخخ


مرة مذيعة عملت عملية في ظهرها...شالولها فقرة ..و حطوا برنامج


كان فيه خمسة صعايدة سموا نفسهم الشجعان التلاتة


مرة واحد قتل ابوه وأمه وخاله وبعدين قطع رجله . فسألوه ليه ؟ قال : عشان رجلى ما تجيش في القضية


واحد سباك نفسه اتسدت غرقت الشقة


واحد رمى يمين الطلاق على مراته ما جاش فيها خخخخخخخخخ


واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان

تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى سيجارة مرمية على الارض والتانى قال انا هاعمل نفسى سيجارة مرمية على الطفاية والتالت قال انا هاعمل نفسي سيجارة مرمية من الشباك لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقه احرقونا

مره حشاشين كانو قاعدين في خيمه...بس مكانش معاهم حاجه يولعو بيها فبعتو واحد منهم يجبلهم ولاعه...طلع ودخل من الناحيه التانيه !!و قال يا جماعه لو سمحتو ممكن ولاعه.... قالوله اقعد..اقعد.. احنا بعتنا واحد يجيب
مرة ظابط لقى تلاته شباب شربين فى الشارع مسكهم وقبل ميروحوا على القسم صعبوا علية فقلهم اللى هيقلى جملة اخر كلمة منها لأ هروحة الاول قالة : ياباشا انا شربت بانجو وخمرة ولكن ظابط كلمنى لأ الظابط قاله: يابنى جدع روح روح والتانى قاله: ياباشا انا سرقت وقتلت لكن ركبت عربية البوكس لأ الظابط قاله : شاطر يابنى روح روح التالت قاله: ياباشا لو قلت الحقيقة هتصدقنى الظابط قاله : طبعا لأ التالت قاله: طيب روح انت ياباشا
اثنين مساطيل قاعدين فى قهوة وقدامهم مرايه ... واحد قال للتاني بص الأتنين اللى قاعدين هناك دول ..تعالى نروح لهم........ جم يقوموا ، راح قايله أقعد ... همّا اللى جايين

جماعة بيحششوا فى الطرب وطب عليهم البوليس وقالهم الظابط:قدامى كلكم على البوكس..واحد مرديش قام الظابط شخط فيه وقالوا:قوم يامسطول رد المسطول وقالوا:لأياباشا انا مش معاهم ..اناميت
مساطيل قاعدين بيصيدوا جراد ، عدّت من فوقيهم هليكوبتر .... واحد منهم قال جت أمهم ... استخبوا استخبوا

اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد

واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان

واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه
مدرس بيشرح على السبورة فى الفصل وظهره للتلاميذ فسمع صوت عالى جدا ، فقال اسكت ياواد ياحماده لـحسن اضربك ، التلاميذ قالوا له حمادة مش موجود يا استاذ ... آم الاستاذ قال لهم لما ييجى تقولوا له

4 أغبياء راحو يلعبو بلياردو.... واحد منهم ركب على الطرابيزة و قال لهم انا الجووون

مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقاوا له : احنا الناس التانين .. طاااااخ

واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق

واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه

واحد جاله جواب ومكتوب في اخره ..... صندوق البريد ص.ب 44 ....... الراجل مفهمش يعني إيه ؟ سأل واحد تاني قال له ....يأخي بيقولك عايز صندل بني مقاس 44



امريكي وهندي وصعيدي تاهوا في الصحراء ولقو الخاتم السحري ولهم 3 طلبات الامريكي طلب يرجع لأمريكا والهندي طلب يرجع للهند اما الصعيدي فشاف نفسه وحيد في الصحراء فطلب انه يرجع له ياهم




مصري يعبي انبوبة غاز قال لأمة ادعيلي قالتله روح ربنا يفتحها بوشك




اثنان صعايدة يلعبون الشطرنج فقال الأول : قتلتلك الحصان فأستأذنه الثاني بضع دقاق و عندما عاد اليه قال : سممتلك البهايم كلها




اثنين صعايدة راحو محطة القطار ولقو القطار مروح لحقو وراه واحد فيهم لحقه وركب والثاني ماقدر وقعد يضحك ؟؟ الناس سالوه ليش تضحك قالهم الي ركب القطار هو المودع وانا المسافر




واحدة صعيدية رماها زوجها من الدور الثالت طلعتله وقالتله بلاش الهزار التقيل ده




واحد صعيدي يمزح مع زوجتة قرصها بزرادية




واحد صعيدي قام يفتح التلفزيون آخر الليل تقول له مراته ليش تعمل كدة قال : عشان اشوف المذيعة وهي نائمه




واحد صعيدي عاوز يفجر نفسه بين اثنين اسرائيلين سوا بروفا قبل يوم




واحد عنده مزرعة فراخ دخل المزرعة لقى كل فرخة بايضة بيضة واحدة... مسك فرخة من رجليها وقطعها وقال للفراخ اللى مش هتجيب بكرة 5 بيضات هاقعها زى الفرخة دى... تانى يوم لقى كل الفراخ بيضة 5 بيضات ماعدا فرخة بيضة 3 بيضات فقال لها اية دة فقالت لة استر عليا دة انا ديك




واحد صعيدي يجلس مع أصدقائه جاء له صديق يخبره أن القطار قد داس ولده قال لصديقه : تاني




كان في خمسة صعيدا سموا حالهون الشجعان الثلاثة




واحد صعيدي اشترى لوح تلج لاءه بينقط راجعه تاني




اثنين صعايده يلعبون شطرنج .. كيف انتهت اللعبه؟؟ الملك جتله جلطه من صراخهم




مرة واحد بقول لواحد صاحبه:الحق التعبان دخل اودة حماتك قاله سيبه يستاهل




اتصلت إحدى الزوجات من الصعيد بزوجها على الهاتف الجوال و صادف وجوده عند الحلاق فعندما أجاب ,سألها مستغرباً :كيف علمت بوجودي عند الحلاق ؟


مره واحد جاب لممته دواء يخليها ترجع 20 سنه وره فتانى يوم راح لها و قال (اه الحلاوه دى و مين العيل الصغير ده )قالت ( يانهارى أصل أبوك شرب الدواه كله

مره واحد اتصل بصاحبه فى التليفون.... ورد عليه ابنه الصغير بصوت واطى: الو بابا فين يا حبيبى... رد عليه: مشغول يا عمو.... طيب ماما فين: قاله ماما كمان مشغوله. يا عمو.... قاله: طيب مشغولين فى ايه يا حبيبى... مع البوليس يا عمو.... وبيعمل ايه البوليس عندكم...... اصلى مستخبى منهم وبيدوروا عليا
مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ
المدرس : يعيش السمك فى الماء... التلاميذ:يعيش يعيش يعيش

بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف لحد فين

مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام
دخل التلميذ على مامته بيعيط قالتله فيه ايه ياوله قام قلها المدرس سألني مين اللي حفر قناة السويس ماعرفتش قام ضربني قالتله عارفاك وعارفه شقاوتك ماحدش حفرها غيرك

مرة استاد سأل طالب في اي فصل يسقط المطر فال له في الفصل اللى مالهوش سقف

التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد
مرة ولد بيسأل أمه هو ليه بابا أصلع؟ فقالت له هذا دليل علي الذكاء الشديد فقال إذا فلماذا أنت كثيرة الشعر؟

واحد بيستهبل اتجوز وحده بتستهبل ، خلفو واد ... لما خرج عمل فيها ميت

طفل بيسال ابوة بيقولو هيا البيضة بتمشي قالو لا قالو اشمعنا انتا لما تيجي تنادي على ماما تقولها تعاليلي يابيضة

واحدة بتسأل أمها : هو بابا بيعرف يعوم؟؟ فقالتلها:بتسألى ليه ؟؟؟ قالتلها أصلى سمعت بابا بيقول للشغالة أنا غرقان فى حبك)؟؟؟

مرة واحد ندل وصى ولادة وهو فى غرفة الانعاش يكونو ا اندل منه ، راحو فصلوا عنه جهاز الاوكسجين

واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟

اتنين محششين راحو عزى ، فسالو اهل الميت هو مات ليه ، قالوا لهم ان رصاصة جت في راسه ، قالوا كويس ماجاتش في عينه

مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام

واحد بيسال صاحبه ليه الورق بيسقط في الخريف قاله اصله ما ذاكرش حاجه طول الصيف

واحد كل م ينزل من بيته يلاقى واحد قاعد جنب عمود بيدخن سيجارتين فساله عن السبب.. قاله انه متعود هو و واحد صاحبه ان يقعدوا يشربوا سجاير هنا، بس صاحبه مات فبيشرب واحده ليه و واحده لصاحبه ...... بعد مده صاحب البيت شاف نفس الراجل تحت العمود بيشرب سيجاره واحده فقاله انت نسيت صاحبك ولا ايه ؟؟؟؟ قاله: لأ اصل انا بطلت

مرة واحد مسطول لبس جزمة فردة حمرا و فردة بيضا فحط رجل على رجل شافو مسطول صاحبه و قال اول مرة اشوف واحد حاطت رجله علىرجل الي جانبه
الموساد قرر انه يشغل معاه واحد صعيدى يكون عميل ليهم
نقوا واحد اسمه هريدى وسفروه تل ابيب وقعد هناك 4 شهور يتعلم لما اتعلم قائد الموساد قاله خلاص يا هريدى انته ارجع مصر ولم معلومات واحنا لما نعوزها نخدها منك
هريدى قاله يعنى يا فندى ابعتهالكم في جواب
قاله قائد الموساد جواب ايه الله يخرب بيتك حتفضحنا وتودينا في داهيه انته تقعد في بيتكم واحنا لما نعوز المعلومات نبعتلك عميل من عندنا يقولك ازيك يا هريدى وازى امك تعرف ان دى كلمة السر وتديه المعلومات
هريدى سافر مصر وعدت الشهور والموساد احتاج لمعلومات
فبعتوا عميل لهريدى يجيب منه المعلومات العميل ميعرفش شكل هريدى
راح على العنوان وسال البواب هو هريدى بيه ساكن هنا البواب قاله انهى هريدى فيهم فيه 4 هريدى هنا
العميل خاف لينكشف قاله اللى في الدور الاول فالعميل خبط على الباب
وقال في نفسه انا اقوله كلمة السر لو هو يدينى المعلومات لو مش هوه
اشوف اللى بعده
فتحه الراجل اللى في الدور الاول قاله ازيك يا هريدى وازى امك
قاله الراجل
انت غلطان في العنوان هريدى الداسوس في الدور الرابع
مرة واحد امريكي وواحد اسباني وواحد صعيدي اتفقوا مين
بجيب اكبر تمساح راح الامريكي جاب واحد كبير وراح
الاسباني جاب واحد اكبر وراح الصعيدي و ما رجعش راحوا
يدوروا عليه لقوه شايل تمساح صغير و بيغني له بابا فين ؟؟


صعيدى أخذ شهادة دكتوراه فقال لزوجته والله ماخبرشى ليه
الناس بيضحكوا على الصعايدة أدينى جبت الدكتوراه. فقالت
له زوجته: دق على الخشب عشان العين. فدق على
الخشب. فقالت الزوجه مين على الباب؟ فقال الزوج: خليكي
انا حاشوف مين


مرة بدوي قال لأبوه: عايز آخذ نوكيا قال له:على جثتى
حتاخد بنت عمك


بدوى اول مرة يشوف فلبيني قال يا بخته هذا شبعان نوم


اتنين صعايدة بيلعبوا شطرنج الملك مات مشلول


مرة صعيدي طلعله عفريت علاء الدين وقال له شبيك لبيك
خدامك بين ايديك قال له
عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟


مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته


. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

• مرة مدرس رياضة اتجوز مدرسة رياضة خلفوا ولد متساوى الساقين

• ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

• هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

• زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

• واحد أحول راح يجيب أبوه من المطار باس الشنطة وشال أبوه

• مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

• تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

• مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

• سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك


• اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى


• محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

واحد ندل فتح مصنع بيبسي كتب على كل علبة : رج جيدا قبل الفتح

• بلديات فتح محل انابيب غاز .. فجّر اسطوانتين فى وسط البلد .. دعاية

• واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

ثعبان نظره ضعيف يوم ما حب واحده..... طلعت خرطوم

• بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

• بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

• واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور

• واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى


واحد بلدياتنا دخل الجيش بيسأل زميله إنت من دشنا...فقاله: لأ رد بلدياتنا: يبجى إنت من ديش العدو... و راح طاخه عيارين


واحد بلدياتنا شال جرس الباب وركب فيبريشن


واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم

فيل ضخم كل يوم يمر على مملكة النمل يهدها، النمل اتفق عليه قالوا : حنستخبى له فوق الشجر و أول ما يعدى نقفز عليه و نقرصه لحد ما نقضى عليه المهم الفيل مر راح النمل قفز عليه الفيل حس بيهم راح خابط زلومته شمال وقع نصهم و راح خابط يمين وقع النص التانى و مفضلش غير نمله واحده فكل النمل واقف تحت يهتف لها اخنقه يا فوزى


مرة واحد بلدياتنا اشتري تاكسي وماشي بيه ومبسوط واحد واقفه وقاله تاكسي يااسطي قال له ايوة تاكسي وكمل مشي


تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!


واحد بلدياتنا عداه العيب خد اللي وراه*
مرة أتنين صحاب راحوا للحلاق واحد حلق والتاني غويشه*
واحد اصلع خلف ولد سماه شعراوى *
مرة واحد اكل رز معمر ضرب في وشه*
مرة واحد راح الجهاديه طلع من الجهة التانيه*
فرخة استحمت بهد اند شولدر باضد بيضة من غير اشرة*
مرة أتنين قرع أتخانقوا على مشط *
مرة مدرس كيمياء خلف عيل سماه سامى اكسيد الكربون*
مرة أتنان بلدياتنا حبوا يسرقوا بنك سرقوا بنك الدم *


مرة واحد بلدياتناوقع فى حفرة نزلولوا حبل طلع مخنوق*
واحد احول امه ماتت دفن ابوة *
مره واحد بيحب يمشى ويمشى مبيحبوش*
واحد بلدينا حط حجرين للراديو المذيع انسطل*
مره كان في قط بيجري وراء قطه اعد يجري وراها لحد ما خبطتها عربيه قال لها احسن ابقي خالي الشرف ينفعك*
مرة واحد بلدياتنا جات طوبة في صدرة بص وراة *


مره واحد احول بيعاكس واحده حوله بيقولها والله انتوا الاتنين احلى من بعض انتو الاتنين زى الامر فاتعصبت وقالت :جرىايه ياشله قليله الادب


واحد بلديتنادخل على واحدصحبه لقاه بيلعب دومينو مع ال**** قاله ياراجل بتلعب دومينو مع ال**** قاله ال**** الى مش عجبكده غالبنى عشرين دور


مرة واحد كان نفسه يعمل حاجة الناس تفتكره بيها
ففكر انه يغلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....
الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه

newreply.php?s=6dacf3b8cbb2d02e96de4c9409d7b726&do=newreply&p=2849514


النكتة الرابعة

بيقولك عنتر يحيى الباك بتاع الجزائر قال لسعدان وهو مرعوب بو سعدان و النبى لا تشركنى فى المباراة … فرد عليه سعدان وقاله : خايف ولا ايه يا عنتر … رد عليه بصراحة لا بس حاسس انى هاكون عنتر اللى هايشيل من لبلب 7 وهم يكفيهم 3 بس حرام اشيل 4 تانى لوحدى .

النكتة الخامسة


بيقولك بعد الماتش ما خلص لاعيبة الجزائر هربوا من استاد القاهرة خوفا من الجماهير و الشماتة المصرية , اختفوا مرة واحدة … وفى اتوبيس من الاتوبيسات كان بتاع التذكر بيقطع للناس فشبه على آنسه فسألها أنا أعرفك صح ؟ فردت عليه فجأه : بلحاج اللى عملك محصل , فرد نذير بلحاج بسعادة : وانت يا عبدالقادر يا غزال ايه الى عملك آنسة


خبر عاجل : تقرر ايقاف شبكة فودافون وموبينيل لأنه ثبت أن شبكة الجزائر تستقبل أفضل بكثير FPRIVATE "TYPE=PICT;ALT=mad"


ـ "لكل إنسان رب يهديه ولكل مصرى نيل يرويه.. ولكل جزائرى مصرى يربيه".


ـ "أيه وجه الشبه بين الجزائر والتوك توك؟ الاثنين بيشيلوا أربعة".


ـ "مع خدمة هزئنى شكراً.. من منتخب مصر، مع كل 4 أهداف مهينة، 3 طرد هدية، للاشتراك اتصل بـجدو مجاناً".


ـ "هزينا الملعب هزة.. وقعنا شورت بوعزة.. "هزينا الملعب تانى.. وخضينا كريم زيانى.. هزينا كمان وكمان.. وشيلنا رابح سعدان.

لا أكتب هذا الا لأن الجزائريون اهانونا كثيرا وهذا الفوز التاريخي

رد اعتبار مصر
النكتة الاولى
بيقولك رابح سعدان كان قاعد شغال على اللاب توب بتاعه , وقعد يقول يا رب هاعمل ايه مع متعب هاعمل ايه مع ابوتريكة هاعمل ايه مع زكى .. وفجأة طلعله عفريت قاله : أعمل عمل اسود واقرا عليه يا رب ماشوفش جوزيه يا رب ماشوفش جوزيه … فقاله جوزيه فى انجولا مش فى مصر … رد عليه العفريت وقاله : أمان ربى امان .. حتى جوزيه ” شحاته خلص عليه ”

النكتة التانية
بيقولك كريم زيانى راح لدكتور نفسانى عشان ياخد علاج ووصفة قبل ما يشوف الرعب المصرى .. فسأله الدكتور عند الكشف حاسس بايه يا زيانى ؟ خايف أوى يا دكتور من لاعبى مصر يا ترى هيعملوا معانا ايه فى الماتش .. و رد الدكتور يا ترى انت فى رايك هيعملوا ايه … بصراحة يا دكتور يعملوا 3 !!!!

النكتة الثالثة
بيقولك محمد أبو تريكة أول ما نزل الملعب و شاف القواوى قعد يضحك و يضحك و يضحك فبص عليه القواوى وقاله مالك يابو تريكة … مالك يابو تريكة … رد عليه الاخير … شايف فيك العروسة و انا العريس وهاكون النهارده عتريس

النكتة الرابعة
بيقولك عنتر يحيى الباك بتاع الجزائر قال لسعدان وهو مرعوب بو سعدان و النبى لا تشركنى فى المباراة … فرد عليه سعدان وقاله : خايف ولا ايه يا عنتر … رد عليه بصراحة لا بس حاسس انى هاكون عنتر اللى هايشيل من لبلب 7 وهم يكفيهم 3 بس حرام اشيل 4 تانى لوحدى .

النكتة الخامسة
بيقولك بعد الماتش ما خلص لاعيبة الجزائر هربوا من استاد القاهرة خوفا من الجماهير و الشماتة المصرية , اختفوا مرة واحدة … وفى اتوبيس من الاتوبيسات كان بتاع التذكر بيقطع للناس فشبه على آنسه فسألها أنا أعرفك صح ؟ فردت عليه فجأه : بلحاج اللى عملك محصل , فرد نذير بلحاج بسعادة : وانت يا عبدالقادر يا غزال ايه الى عملك آنسة .

فى البداية يضحك الفنان احمد بدير ويقول: ياه ده أنا جالى شوية نكت وافيهات كتير قوى واتذكر منها مثل: * قرر الاتحاد الافريقى الغاء المباراة واعادتها لأن اللاعب الذى احرز الهدف فوق السن (جدو) .

* لو غانا غيرت الشعار ومهند ضرب نور بالنار ورشيدة سابت بكار المصريين هما الابطال .

* واحد بيسأل ولد جزائرى .. بتحب بابا ولاماما قالهم لا جدو علشان هو اللى ربانى !!

* واحد مصرى بيسأل جزائرى .. بتحب بابا ولاماما قالهم جدو علشان هو اللى ربانى .

* المصرى بيعلمه ابوه وامه وشاوشى بيعلمه جدو .


الجزائر والتوك توك


أما الفنانة ريم البارودى فتضحك بشدة وهى تتذكر كم النكت التى وصلتها ومازالت تصلها حتى اليوم من مصر والدول العربية بخلاف المكالمات التى تلقتها عقب لافوز المصرى وعن النكت التى تلقتها فتحت تليفونها وقرأت هذه النكت:

* ماهو الفرق بين الجزائر والتوك توك؟

الفرق ان التوك توك بيشيل ثلاثة والجزائر بتشيل اربعة.

* اخرى تقول: كل ظالم وليه رب يهديه وكل عطشان ليه نيل يرويه وكل جزائرى ليه مصرى يربيه.

* نكتة اخرى: الحضرى بيصد والشاوشى بيعد.

* الولد فى مصر حضانته لامه وفى الجزائر لجدو.

* واحد جزائرى ذبح حفيده علشان قال له بحبك ياجدو .


جدو وشاوشى


أما الفنانة علا غانم فهتفت فور أن طلبنا منها أن نطلع على الرسائل التى وصلتها "مصر مصر تحيا مصر" واضافت من أهم الأيام التى مرت فى حياتى كان يوم الفوز على الجزائر وسعدت كثيرا بالنكت التى وصلتنى ومنها: عرض صيادين مصريين الاستغناء عن الشبكة المصرية وعرضوا شراء الشبكة الجزائرية بـ 3 مليون جنيه علشان بتشيل اكتر.

تضيف: ضحكت كثيرا على هذه النكت أيضا التى تفنن فيها المصريون وكنت أظن أن النكت المصرية اختفت: والنكتة تقول: ايه الفرق بين الكمبيوتر والحفرة وشاوشى؟

الفرق ان الكمبيوتر حاسب آلى والحفرة حاسب تقع والساوشى حاسب جدو .

وأخرى تقول: رايحه فين ياخضرا رايحة اتعلم كورة .. جاية منين ياخضرا .. جاية من انجولا

وأخرى هتف بها المصريون: جدو جدو اوعى يجيلك جدو .


ستو وعمو


يضحك الفنان اشرف عبدالباقى ويقول: كان من ابرز النكت والافيهات التى تلقيتها بعد فوز منتخب الوطنى بالبطولة للمرة الثالثة على التوالى وتحقيقه هذا الانجاز العظيم :

* بعد نجاح تجربة جدو قرر الكابتن حسن شحاته ضم ستو وخالو وعمو وباقى أهله.

* بعد تألق جدو قرر الاتحاد الافريقى اقامة بطولة خاصة لكبار السن.

* ولد وبنت من الجزائر ماشيين مع بعض فى الشارع.. الولد بص وراه وقال للبنت اجرى بسرعة قالتله ليه بابا جاى ورانا؟

قالها: لأ جدو هو اللى جاى.

* المنتخب المصرى بيشوت الكورة والمنتخب الجزائرى بيشوت الرجل اللى بتشوت الكورة .

* الفراعنة رفعوا الراس ورجعوا شايلين الكاس.













معا تحيات الكـــــــــ$ميسى$ــــينج


I love you I love you I love you I love you I love you I love you I love you I love you king king king king king king king king
avatar
MESSI
Admin
Admin

عارضة طاقة :
95 / 10095 / 100






الجنس : ذكر
الابراج : الجوزاء
عدد المساهمات : 83

معاينة صفحة البيانات الشخصي للعضو http://messi.mess.tv

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى